គ្រឿងផ្សំ៖ សម្រាប់មនុស្ស ៤នាក់

• បង្គា 500g
• កម្ទេចនំប៉័ង 200g
• ស្ពៃក្តោបស 100g
• ស្ពៃក្តោស្វាយ 50g
• ស៊ុតមាន់ 1គ្រាប់
• សាលាដ 3សន្លឹក
• ប្រេងឆា សម្រាប់បំពង 500ml
• ម្សៅនំខេឃ៍ 4ស្លាបព្រាបាយ
• ទឹកជ្រលក់ (Bull Dog Sauce) 2ស្លាបព្រាបាយ
• កន្សែងក្រដាស 2សន្លឹក

A:

• អំបិល 1/8 ស្លាបព្រាកាហ្វេ
• ម្រេច 1/8 ស្លាបព្រាកាហ្វេ
• ម្សៅស៊ុបមាន់រ៉ូយ៉ាល់ឆេហ្វ 1/8 ស្លាបព្រាកាហ្វេ
• ខ្ទឹមស ឈូស 1/8 ស្លាបព្រាកាហ្វេ
• ស្រាស (Cooking Wine) 1ស្លាបព្រាបាយ

វិធីធ្វើ៖

1. បង្គាបកសម្បក តម្រឹមកន្ទុយ វះខ្នងលាងទឹកឲ្យស្អាត ហើយយកកន្សែងក្រដាសផ្តិតទឹកចេញ។
2. បន្ទាប់មកឆូតខាងពោះបញ្ឆិតៗ 3 ទៅ 4 កាំបិតចំណែកស្ពៃក្តោបហាន់ជាសរសៃៗលាងទឹក រួចទុកដោយឡែកសិន។
3. យកបង្គាប្រឡាក់ជាមួយគ្រឿងផ្សំ A ឲ្យសព្វទុករយៈពេល 5នាទី។
4. បន្ទាប់មក ទើបយកបង្គាប្រឡាក់ជាមួយម្សៅនំខេឃ៍ ស៊ុតមាន់ រួចប្រឡាក់ជាមួយកម្ទេចនំប៉័ង ឲ្យសព្វ។
5. កម្តៅប្រេងឆាឲ្យដល់ 150អង្សារ ទើបដាក់បង្គាបំពងឲ្យឆ្អិនរៀបដាក់ចាន អមជាមួយនូវបន្លែ និងទឹកជ្រលក់ទុកជាការស្រេច៕

Note: បង្គាបំពង បើចង់ឲ្យមានលក្ខណៈល្អទាំងសោភណ្ឌភាព និងរសជាតិឆ្ងាញ់ពិសា លោកអ្នកគួរ ជ្រើសរើសបង្គាដែលធំបន្តិច ហើយសូមសាកល្បងធ្វើតាមវិធីចម្អិននេះ។